میللی ایدولوژیمیز و �منیسم- قاجارلی آغاممد

آچیقجاسی بئله دیر کی، میللتچی لرین ایچینده قادینلارین سایی چوخالماقدادیر، قادین میللتچی لرایله ارکک لرین بیرگه اولدوغو زامان یارانان تارتیشمالارین باشیندا �مینیسم گئدیر. البته سون زامانلار مساله ائله یئره گلیب چاتیب کی ، قادینلارین اوز آرالاریندا کی مباحثه لرین چوخونلوغونو قادینچی لیق و یا �مینیسم اولوشدورور. ارکک لرین اؤز آرالاریندادا بو حاقدا مباحثه لر شدتی آزدا اولسادا،اولور. بو مباحثه و تارتیشمالار اؤزلویونده میللی حرکتیمیزه نظری باخیمدان �ایدالی اولسالاردا، بیر سیرالارین دوشوندورمکده دیر. اونلارجا،�مینیسم مساله سی حرکتیمیزی پارچالایا بیلر، قادینلارین انرژی سین آلار، حرکتی چاشدیرار،ساپدیرارو….

اصلینده ایسه میللتچی یولداشلاریمیزطر�ینده ن بئله بیر قورخو و قایغی نین یاشانماسی ، حرکت اوچون و میلی من�عت لریمیز اؤچون دورسه،بویوک بیر آنلاشیلمازلیق وار. بونون ترسی اولاراق ، قادین میللتچی اولاراق ، مباحثه لریمیزین بویوک چوخونلوغون �مینیسم اولوشتورماسیندا ،یئنه ده آنلاشیلمازلیق وار. بللی اولدوغو کیمی ، بورادا سوز قونوسو توپلوم ، میللت چی لرتوپلومودور. میللت چی لرین ایچینده �مینیست لرده وار، �مینیست اولمایانلاردا. مباحثه لر ایسه بو ایکی قوروپون آراسیندا گئدیر. البته بیر سیرا دَیَرلی میللتچی لرطر�ینده ن، بو مباحثه، میللتچی دئییل ، یالنیز �مینیست اولان قروپلارین آراسیندادا باشلاماقدادیر.ایکینجی قوروپون آراسیندا بو موباحپه نین یارانماسی میللی حرکتیمیزین قازانجینادیر. بیرینجی قوروپ، یعنی میللتچی لرتوپلوموندا، بو مباحثه نین قایغی لار و نیگرانلیق لار یاراتماسین گئدرمک اوچون (آرادان آپارماق) هابئله ایکینجی قوروم یعنی �مینیستلرین آراسیندا گئدن مباحثه نی اوز خئیریمیزه است�اده ائله مک اوچون اونملی بیر آنلاشیلمازلیغی چوزمک لازیم دیر. بو آنلاشیلمازلیق، میللی ایدولوژیمیزی اولدوغو کیمی دئیل ایسته دییمیز کیمی اویره نیب، یوزماق دیر. میللی ایدولوژیمیزی اولدوغو کیمی و دوغرو دوزگون اؤیرنیب منیمسه سک ، میللتچی لرآراسیندا، �منیسم (قادین چی لیق) آیریلیغا سبب اولماز، ترسینه ، بیرلییه ده یاردیمجی اولار. میللی ایدولوژیمیزی دوزگون آنلاتیرساق ، میللتچی اولمایان تورک �مینیست لری ده میللی حرکتیمیز سیرالارینا چکه بیله جه ییک.

میللی ایدولوژی، میللتین بوتونلویونون ایدولوژی سی دیر. میللی ایدولوژی، میللتی بوتون اولاراق نظرده آلاراق ، اونون قایغی لارینی ، دَیرلرینی ، ایستکلرینی، آرزولارینی اوزونده یانسیتمالی دیر. مللتین بوتون طبقه لری(کسیم لری) ،مللتین اویه لری دیر. میللی ایدولوژی نین ایچینده کی هد� لرو دیرلر بو کسیملرین دیرلری و باش هد� لری ایله چلیشکی ده اولمالیدیر. میللی ایدولوژی جینسی آیری سئچگی لییی اؤزونده عکس ائتدیرنمز. میللتین ارکه یی ده ، قادینی دا اونون بیر پارچاسی دیر. میللی ایدولوژی نین وعده ائتدییی گؤرونتوده ،میللتین بوتون کسیم لری اوز یوکسک ایستک لرین گورمه لی دیلر. بیزیم دوروموموزدا اولان میللت لرین میللی ایدولوژی لری ، دئوریمسل (انقلابی) اولور. میللی ایدولوژیمیز دئوریمجی ایدولوژی دیرسه ، بو گونکو رژیمی، بو گونکو سیستمی دیشدیرمه گی آماجلاییب . بوگون ایران دئییلن اولکه ده ، قادینلارین آجیناجاقلی دورومونا سایماز قالان ایدولوژی نئجه میللی اولابیلر. میللتین یاریسینی اولوشدوران ، قادینلارین میللی حرکته قوشولماقلاری بونسوز مومکون دئییل. بیر قادین بو گونکو �ارس شوونیزمی نین قوردوغو میللت لر زیندانیندان قورتولماق ایسته ییرسه ، گله جک ده ، زنجیرلرین هامیسی نین قیریلماسین ایسته ییر. ایران دئییلن دوستاقدان قورتاریب، ایندیکی دوستاغین باشقا �ورماسینا داشینماق اوچون، هئچ بیر قادین موباریزه ائتمز.

بیر سیرا میللت چی لریمیز، قادین لارین ایستک لری ایله قارشیلاشاندا ، اونلارا گله جک آذربایجاندا بوتون حقوقونوزو وئره جه ییک دئمک له ، بو گونکو ایستک لرینی ایره لی سورمکده ن چکیندیرمک ایسته ییرلر. البته کی بو منطق له هئچ بیر �مینیست میللتچی راضیلاشماز. کیمسه یه دئمک اولماز کی ، سن بو گون ظولمه قاتلاش ، حاقلاریندان کئچ، اونا گوره کی زامانی بللی اولمایان گله جک ده حاقلارینین هامیسین وئره جه ییک. بیر ایشچی یه دئمک اولار کی ، سن ایشله ، آیلیغین باشقا ایشچی لرین یاریسی قدر اولسادا، دینمه، اونا گوره کی گله جک ده ، اؤزوده زامانی دقیق بللی اولمایان گله جک ده بیز سنین بوتون حاقلارینی وئره جه ییک؟؟!! هئچ بیر میللت چی راضیلاشماز کی، بو گون اوشاغینی �ارس دیلینده اوخولدان یوخسول ائتسینلر. گله جک ده اوز آنا دیلینده اوخوللار آچیلاجاق وعده سی ایله ، بو گون اوخوماق و اؤیرتیم حاققیندان کیمسه کئچمز، �ارس دیلینده اولسا، بئله. بیز �مینیست میللتچی لری اوز ایستکلریندن واز کئچیرتمک یئرینه، قادین حقوقون میللی ایستکلریمیزله برابر ایره لی سورمه لی ییک. نئجه کی ناسیونالیزمله برابر باشقا مدرن ایستکلریمیزی ایره لی سوروروک. لیبرالیسم ، پلورالیسم، سئکولاریسم، دموکراسی و… کیمی مدرن دَیَرلری منیمسه ییب، ایره لی سوردویوموز کیمی، �مینیسمی ده اؤز ایستکلریمیز سیراسینا کئچیرمه لی ییک. بو ایستکلرین هئچ بیری میللی ایدولوژیمیزله چلیشکی ده دییل ، ترسینه میللی ایدولوژیمیزین اویه لری دیلر.

بوتؤوآذربایجان اولکوسونو آماجلایان میللی ایدولوژیمیزین یول بایی ائلچی بی اولسادا، بو اولکونون تمل لری 1918ـجی ایللرده قویولموشدور. مساوات چی لیق بو گونکو میللی ایدولوژیمیز ین ، بوتؤوآذربایجان اولکوموزون و گونئی آذربایجان میللی حرکتی نین تملینی اولوشدورور. بو گونکو دوشونجه لریمیزین قاینار بولاغی محمد امین رسولزاده و سیلاحداشلارینین مساوات چی لیق ایدولوژی سی دیر. تورکچولوک، چاغداشلیق و موسلمان چیلیق مساوات ایدولوژی سی نین اوچ آنا دیره یی ایدیر. مساوات چی لیقدان دوغان بوتؤو آذربایجان ایدییاسی دا همین دَیَر لره صادق قالمیشدیر. گونئی آذربایجان میللی اویانیش حرکاتی نین مرامیندا تورکچولوک و چاغداشلیق عینی ایله یئرلشمیش، ساده جه میللتیمیزین یئنی ایستک لرین و دونیانین ایندیکی گئدیشینی و دیرلرینی نظرده آلاراق، مسلمانچی لیق اؤز یئرینی اینانج اؤزگورلویونه وئرمیشدیر. دئمک ده بو گونکو میللی ایدولوژیمیزین آنا دیره ک لری تورکچولوک ، چاغداشلیق واینانج اؤزگورلویودور. بو آنا دَیَرلر و اولکولر بوتون سیاست لریمیز وتوتوملاریمیزا یؤن وئرمه لی دیر. بو گون میللی حرکتیمیزده تورک دیلینه ، موسیقیمیزه ، تاریخیمیزه اؤنم وئریلیرسه ، باشقا اؤلکه لرده یاشایان تورک سویداشلاریمیزلا ماراقلانیریقسا ، بونلار تورکچولوک اولکوموزون یؤنونده کی حرکت لر دیر. دموکراسی یه ، بشر حاقلارینا ، باریشا، پلورالیزمه، سئکولاریسمه اؤنم وئریریک سه ، �یمنیسمی منیمسه ییریک سه ، چاغداشلیق و مدرن چی لیک اولکوموزون یونونده حرکت ائدیریک. بو ایستک لر گونئی آذربایجانین میللی بایراغیندادا عکس اولونوب. اولکولر بیزیم ان یوکسک ایستک لریمیز، ایده آل لاریمیزدیر، تورکچولوک ، چاغداشچی لیق ، مدرن چی لیک بیزیم اولکوموزدور، ایده آلیمیزدیر. بشر حاقلارینا سایغیلی اولماق بیر ایستک ، مدرن بیر دَیَردیر. بیز مدنییتین یئتیردییی بو ایسته یه قارشی دئییلیک. بو ایستک بیزیم ایسته ییمیزدیر. �منیسم مدرن بیر حرکت و قادین حاقلاری چاغداش بیر دَیَردیر. بو حاقلاری الده ائتمک بیزیم ایسته ییمیز، ایده آلیمیزو اولکوموزدور. اؤزتجه سی �منیسم ده تورکچولوک کیمی، بوتؤو آذربایجانچی لیق کیمی بیزیم داورانیشلاریمیزدا اؤزون گؤسترمه لی دیر.